کلینیک و تاقیگه‌هه‌کا ڤێته‌رنه‌رى ل سه‌نته‌رێ پارێزگه‌ها دهۆکێ ھاتە ڤەکرن

ئه‌ڤرو سپێدێ   9/1/ 2021 ب ئاماده‌بوونا ماجد سه‌ید صالح نونه‌رێ   پارێزگارێ دهوكێ وچه‌ند نوشدارێن ڤیته‌رنه‌رى كلینیك وتاقیگه‌هه‌كا ڤێته‌رنه‌رى ل تاخێ ماڵتا خارێ ل سه‌نته‌رێ دهۆكێ هاته‌ ڤه‌كرن.
پاش  به‌رهه‌ڤبویا گه‌ریانه‌ك ل ناڤ هول و وژورێن تاقیگه‌هێ كر وژنێزیك سه‌حكره‌ به‌رهه‌ڤیا كلینك وتاقیگه‌هێ بو خزمه‌تكرنا كه‌رتێ كشتوكالى تایبه‌ت په‌له‌وه‌ر وته‌رش وكه‌والى.
 نونه‌رێ پارێزگارێ دهوكێ ته‌كه‌زكر كو حكومه‌تا هه‌رێمێ نه‌خاسمه‌ كابینا نه‌هێ هه‌موو هه‌وڵدانا دكه‌ت كو كه‌رتێ چاندنێ ب هه‌موو سێكته‌رێن وێڤه‌ پێشبێخیت وپیروزباهى ل خودانێن كلینیك وتاقیگه‌هێ كر وخواست كو پرۆژه‌ بره‌نگه‌كێ باشتر وببهایێن ئه‌رزانتر خزمه‌تا جوتیارێن ده‌ڤه‌رێ بكه‌ت.
هه‌ژى گوتنێ یه‌ كلینك وتاقیگه‌ه ژلایێ كومه‌كا نوشدارێن ڤێته‌رنه‌رى بكوژمێ 120هزار دولاران هاتینه‌ ڤه‌كرن وهه‌موو جورێن بشكنینێن ڤایروسى وبه‌كتیرى  وئه‌و نه‌خوشیێن توشى گیانه‌وه‌ران دبن دێ لێ هێنه‌ كرن ودێ خزمه‌ته‌كا باش یا جوتیاران هێته‌ كرن وچه‌ندین ده‌لیڤێن كارى بو ده‌رچویێن زانكویێ وگه‌نجان دێ هێته‌ دیتن.