له هه‌فته‌ی سێیه‌می خولی یانه‌كانی ئینگلته‌راو له دووه‌م یاری لوتكه‌ی ئه‌م هه‌فته‌یه‌ی خوله‌كه‌دا، یانه‌ی لیڤه‌رپول میوانداری یانه‌ی چێڵسی كرد، له‌ئه‌نجامدا هه‌ردوو یانه به گۆڵێك بۆ هه‌ریه‌كه‌یان یه‌كسان بوون.
له خوله‌كی بیستودوودا، كای هاڤێرتزی ئه‌ڵمانی سوودی له لێدانێكی كۆرنه‌ر وه‌رگرت و گۆڵێكی بۆ چێڵسی به لێدانی سه‌ر تۆماركرد، پاشان ناوبژیوان لێدانێكی سزای بۆ لیڤه‌رپول هه‌ژماركردو ڕیسی جایمسی به‌رگریكاری چێڵسی به كارتی سوور كرده ده‌ره‌وه‌ی یاریگاو به‌و هۆیه‌وه بلوز یاریه‌كه‌ی به ده یاریزان ته‌واوكرد، له جێبه‌جێ كردنی لێدانی سزاكه‌دا، محه‌مه‌د سه‌ڵاحی میسری و ئه‌ستێره‌ی ڕێدز گۆڵی به‌رامبه‌ری تیپه‌كه‌ی له دواساته‌كانی گێمی یه‌كه‌م به‌ده‌ستهێناو ئه‌نجامه‌كه‌ی یه‌كسان كرده‌وه,.
به‌م ئه‌نجامه‌ش كۆی خاڵه‌كانی چێڵسی له پله‌ی دووه‌می ڕیزبه‌ندی یانه‌كان بۆ حه‌وت خاڵ به‌رزبووه‌وه‌و لیڤه‌رپولیش به هه‌مان ژماره‌ی خاڵه‌كان و به جیاوازی گۆڵ له پله‌ی سێیه‌می ڕیزبه‌ندی دێت.
کۆمێنت (0)
تا ئێستا هیچ کۆمێنتێک نەکراوە.