عومه‌ری سه‌ید عه‌لی ، رێكخه‌ری گشتی بزووتنه‌وه‌ی گۆڕان به بۆنه‌ی یادی دامه‌زراندنی 75 ساڵه‌ی پارتی دیموكراتی كوردستان په‌یامێكی پیرۆزبایی ئاراسته‌ی سه‌رۆك بارزانی كه ئه‌مه‌ش ده‌قه‌كه‌یه‌تی..
ڕێکخەری گشتی بزوتنەوەی گۆڕان پیرۆزبایى له پارتی دیموكراتی كوردستان ده‌كات
بەڕێز/ کاک مەسعود بارزانی سەرۆکی پارتی دیموکراتی کوردستان
لە ساڵیادی (٧٥)ھەمین ساڵڕۆژی دامەزراندنی پارتی دیموکراتی کوردستاندا (١٦ئاب) بەناوی خۆم و ھاوڕێیانم لە بزووتنەوەی گۆڕان پیرۆزباییەکی گەرم ئاراستەی بەڕێزتان و ئەندامانی مەکتەبی سیاسی و سەرکردایەتی و تەواوی ئەندام لایەنگرانتان دەکەین. ئەمساڵ لەکاتێکدا ئەم یادە پیرۆز دەکەنەوە گەلەکەمان لە ھەر کات زیاتر پێویستی بە یەکڕیزی و یەکخستنی ھەوڵە نیشتیمانی و نەتەوەییەکانە بۆ پاراستنی دەستکەوتە سیاسی و یاسایی و داراییەکانی کورد لە چوارچێوەی دەوڵەتی عێراق فیدراڵ. لە ناوخۆی ھەرێمیشدا، ھەماھەنگی و کاری پێکەوەیی زیاتر بۆ تێپەراندنی ئەو قەیران و ئاستەنگانەی رووبەڕوی گەلەکەمان بوەتەوە پێویستی بە کاراکردنی پڕۆسەی چاکسازیی سیاسی و دارایی و قانونی ھەیە. لەم چوارچێوەیەدا ڕۆڵی پارتی دیموکراتی کوردستان دیار و بەرچاوە بۆ ھەنگاونان بەرەو باشترکردنی ژیانی خەڵک و وەڵامدانەوەی پێداویستیە بنەڕەتیەکانی میللەتەکەمان. ئێمەش لای خۆمانەوە ئامادەین ھەموو ھاوکاری و ھەماھەنگییەکین بۆ جێبەجێکردنی کارنامەی حکومەتی ھەرێم و بەرەو پێشبردنی کاری پێکەوەیی کە داخوازی خەڵکی کوردستانە. دووبارە یادی دامەزراندنی پارتی دیموکراتی کوردستان پیرۆزبێت و ھەر سەرکەوتووبن.
عومەری سەید عەلی
ڕێکخەری گشتی بزوتنەوەی گۆڕان
کۆمێنت (0)
تا ئێستا هیچ کۆمێنتێک نەکراوە.