ئەڤرۆ رۆژا دووشەمبی رێکەفتی ٢٠٢١/٨/١٦ ب سەرپەرشتیا "د.عەلی تەتەر" پارێزگارێ دهۆکێ ب بەرهەڤبوونا جێگرێ پارێزگاری ودەڤەردارێن پارێزگەها دهۆکێ و رێڤەبەریێن پەیوەندیدار کۆمبوونەک ل دۆر رەوشا ژێدەرێن ئاڤێ و ئاریشە و گرفت و چەوانیا پاراستن و وەبەرهێنانا ژێدەران هاتەکرن.
دکۆمبوونێدا رێنمایێن کومبوونا ٨/١٢ یا تایبەت ب رەوشا ئاڤێ ل سەر ئاستێ هەرێما کوردستانێ هاتنە بەحسکرن و بتێرو تەسەلی ئاریشە و گرفتێن ئاڤێ و کێمیا ئاڤا ڤەخوارنێ ژئەگەرێ هشکەسالیێ هاتنە گەنگەشەکرن.
دکۆمبوونێدا بریارهاتەدان هەر جهەکێ هاولاتی پێدڤی ئاڤا ڤەخوارنێ بن سەروکێ یەکا کارگێری و رێڤەبەرێن پەیوەندیدار پێدڤیە ئاڤێ دابینبکەن، و هەر دەڤەرەکا پێدڤی ب کولانا بیرا ئاڤێ بیت لژنەیەک هاتیە پێکئینان بو بریاردان ل سەر کۆلانا بیرێن ئاڤێ و بودجا رێڤەبەریێن پەیوەندیدار پێداچوون دێ تێداهێتەکرن.
هەر دکۆمبوونێدا بەحس ل پرۆژێ ئاڤا ئاکرێ هاتەکرن کو کارتێدا بهێتە تمامکرن و دەستبکارببیت و هەروەسا چەندین تەوەرێن دیێن گرێدایی بابەتیێن ئاڤێ و ژێدەرێن ئاڤێ هاتنە بەحسکرن.
کۆمێنت (0)
تا ئێستا هیچ کۆمێنتێک نەکراوە.