کارەکانی کوژاندنەوەی ئەو ئاگرەی دارستانەکانی ناوچەکانی گۆکپنار، یوکاری مازی و ئاشاغی مازی لە قەزای بۆدروم گرتووەتەوە لەگەڵ ناوچەی ئارموتچوک، بەردەوامە.
تیمەکانی کوژاندنەوەی ئاگر لە بەڕێوەبەرایەتی ناوچەی دارستانەکانی موغڵا و ئەو تیمانەی لە شار و شارۆچکە جیاوازەکانی تورکیاوە رەوانەکراون، بێ وچانان بەردەوامن لەسەر کوژاندنەوەی ئەو ئاگرەی ئێوارەی 31ی تەمووز لە دارستانەکانی ناوچەی بەیجیلەر کەوتەوە و ناوچەیەکی بەرفراوانی گرتەوە.
لە ناوچەکانی گۆکپنار، یوکاری مازی و ئاشاغی مازی بەهۆی کەوتنی دار سنەوبەرە سووتاوەکان بۆسەر رێگا و کەتنەخوارەوەی تاشە بەرد بۆسەر رێگاکان، ناو بە ناو رێگای هاتوچۆ دادەخرێت، بەو هۆیەشەوە تیمەکان دووچاری سەختی دەبنەوە لە کارەکانیاندا.
دانیشتوانی ناوچەی ئاشاغی مازی کە بەهۆی ئاگرەکەوە ماڵ و حاڵیان جێهێشتووە لە هەندێک ناوچەی گەشتیاریدا نیشتەجێ کراون.
ئەمڕۆش لەگەڵ هەڵاتنی تیشکی خۆر لە ئاسمانەوە بەچڕی دەستکرا بە کوژاندنەوەی ئاگرەکە.
کۆمێنت (0)
تا ئێستا هیچ کۆمێنتێک نەکراوە.