له قۆناغی یه‌كه‌می پێشبڕكێی تۆپی ده‌ستی پیاوانی خولی یاریه‌كانی ئۆڵۆمپیادی هاوینه‌ی تۆكیۆ و له گڕوپی دووه‌می پێشبڕكێكه‌دا، هه‌ڵبژارده‌ی میسر به بیستوحه‌وت گۆڵ به‌رامبه‌ر به بیستودوو گۆڵ له هه‌ڵبژارده‌ی سویدی برده‌وه.
له یارییه‌كه‌دا یاریزانانی میسر ئاستێكی به‌رزیان پێشكه‌شكردو له گێمی یه‌كه‌م به سێزده گۆڵ به‌رامبه‌ر به نۆ گۆڵ له‌پێش سوید بوون.
له گێمی دووه‌میش میسریه‌كان درێژه‌یان به پێشكه‌وتنیان داو ڕووبه‌ڕوو بوونه‌وه‌كه‌یان به جیاوازی پێنج گۆڵ به سوودی هه‌ڵبژارده‌ی وڵاته‌كه‌یان ته‌واوكرد.
به‌م بردنه‌وه‌ش هه‌ڵبژارده‌ی میسر گه‌یشتنی بۆ قۆناغی چاره‌گی كۆتایی مسۆگه‌ركرد، له یاریه‌كی دیكه‌ی هه‌مان گڕوپی پێشبڕكێی تۆپی ده‌ستی پیاوانی ئۆڵۆمپیادی تۆكیۆ، هه‌ڵبژارده‌ی به‌حره‌ین به سیی و دوو گۆڵ به‌رامبه‌ر به سیی گۆڵ له هه‌ڵبژارده‌ی ژاپۆنی میوانداری برده‌وه.
به‌م ئه‌نجامه‌ش هه‌ڵبژارده‌ی به‌حره‌ین سه‌ركه‌وتنێكی مێژوویی به‌ده‌ستهێناو یه‌كه‌م یاری له مێژووی به‌شداریه‌كانی له پێشبڕكێی تۆپی ده‌ستی پیاوانی ئۆڵۆمپیاده‌كان برده‌وه .
له ئۆڵۆمپیادی تۆکیۆ هه‌ڵبژارده‌ی تۆپی ده‌ستی میسر سه‌رکه‌وتنی به‌سه‌ر سوید تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.