له چه‌ند رۆژی رابردوودا هه‌ڵمه‌تێكی دیكه‌ی ره‌شبگیری له لایه‌ن په‌یه‌ده‌وه له كوردستانی سووریا ده‌ستیپێكردووه و ئاسایشی په‌یه‌ده چوار ئه‌ندامی پارتی دیموكراتی كوردستانی سووریای ده‌ستگیر كرد.
هه‌ر له‌و باره‌وه نه‌واف ره‌شید به‌رپرسی نوێنه‌رایه‌تی ئه‌نه‌كه‌سه له هه‌رێمی كوردستان له كۆنگره‌یه‌كی رۆژنامه‌وانیدا رایگه‌یاند: به داخه‌وه زۆر كرده‌وه‌ی خراپ له ناوچه كوردییه‌كانی سووریا له لایه‌ن په‌یه‌ده‌وه روویداوه، به‌ڵام بۆ یه‌كڕیزی و یه‌كده‌نگی و به مه‌به‌ستی چاره‌سه‌ری پرسی سووریا و ده‌ربازبوون له‌و قه‌یرانه، چه‌ندین رێككه‌وتنمان له‌گه‌ڵ په‌یه‌ده كردووه، به داخه‌وه ئه‌و كرده‌وانه هه‌ر به‌رده‌وام بوویه و په‌یه‌ده له هه‌ر شوێنێك ده‌سه‌ڵاتی به‌ده‌سته‌وه گرتبێت هه‌وڵی خۆسه‌پاندن و وه‌رگرتنی سه‌رانه‌ی له خه‌ڵك داوه.
نه‌واف ره‌شید گوتیشی، پەیەدە سه‌ره‌ڕای ئەنجامدانی کۆمەڵکوژی و ترس و تۆقاندن، لەئێستاشدا بە دەستگیرکردن و ئەشکەنجەدان و شەھیدکردنی ئەمین عیسا و هەڵکوتانە سەر لایەنگران و چالاکوان و میدیاکاران لەشەودا ترسێکی زۆری بڵاوکردۆتەوە.
جه‌ختی له‌سه‌ر ئه‌وه‌ش كرده‌وه، ئه‌نه‌كه‌سه چارەسەری ئاشتییانە و دیاڵۆگ به باشترین چارەسەرن بۆ خزمەتکردنی کوردستانی سووریا ده‌زانێت.
کۆمێنت (0)
تا ئێستا هیچ کۆمێنتێک نەکراوە.