له ئاكامی ئه‌و لافاوه‌ی به‌هۆی بارانبارینی به‌خوڕ ویلایه‌تەکانی راینلاند-پلاز و باكووری راین ڤێستفالا له رۆژئاوای ئه‌ڵمانیای گرتووه‌ته‌وه، 81 كه‌س گیانیان له‌ده‌ست دا.
ئاژانسی هه‌واڵی ئه‌ڵمانیا له زاری گوته‌بێژی پۆلیسی ناوچه‌ی كۆبڵێنزه‌وه بڵاوی كرده‌وه كه ژماره‌ی ئه‌وانه‌ی به‌هۆی لافاوه‌كه‌وه له راینلاند-پلاز گیانیان له‌ده‌ست داوه گه‌یشتووه‌ته 50كه‌س.
هه‌روه‌ها له باكووری راین ڤێستفالا'یش 31 كه‌س گیانیان له‌ده‌ست داوه.
له‌لایه‌كی دیکه‌یشه‌وه به‌ڕێوه‌به‌رایه‌تیی كارگێڕی ناوچه‌ی ئاهروه‌یله‌ر له ویلایه‌تی راینلاند-پلاز بڵاوی كرده‌وه كه چاره‌نووسی هه‌زار و 300 كه‌س نادیاره و هێڵی ته‌له‌فۆن له ناوچه‌كه كار ناكات.
به‌هۆی لافاوه‌وه ژماره‌یه‌كی زۆر له ماڵه‌كان له هەردوو ویلایه‌ته‌کە رووخاون، شه‌قام و كۆڵانه‌كان كه‌وتوونه‌ته ژێر ئاو و مه‌ترسی ئه‌وه‌یش هه‌یه ژماره‌یه‌ك خانوو دابڕووخێن.
ئه‌ڵمانیا.. به‌هۆی لافاو و باران بارینی به‌خووڕ 81 که‌س گیانیان له‌ده‌ستدا
100%
کۆمێنت (0)
تا ئێستا هیچ کۆمێنتێک نەکراوە.