بالیۆزا یٔۆسترالیا ل عیراقێ سەرەدانا پارێزگارێ دهۆکێ کر

ئەڤرۆ رۆژا ئێکشەمبی رێکەفتی ٢٠٢١/٦/٢٧ "د.عەلی تەتەر" پارێزگارێ دهۆکێ پێشوازیی ل خانم "پاولا گانلی" بالیۆزا ئۆسترالیا ل عیراقێ کر.
دهەڤدیتنێدا پارێزگارێ دهۆکێ بخێرهاتنا خانم"پاولا گانلی" بالیۆزا ئۆسترالیا ل عیراقێ کر کو بۆ جارا ئێکێ سەرەدانا هەرێما کوردستانێ و پارێزگەها دهۆکێ دکەت،  و سۆپاسیا سەرەدان و گرنگیا وان بۆرەوشا پارێزگەها دهۆکێ و دۆماهی پێشڤەچوونێن دەڤەرێ و هەرێما کوردستانێ کر، بالیۆزا ئۆسترالیا ل عیراقێ سۆپاسیا پێشوازیا پارێزگارێ دهۆکێ کر و دادیارکرن خۆشحالبووین مە سەرەدانا پارێزگەها دهۆکێ کریی کو سرۆشتەکێ جوان و سەقامگیریەکا تەمام هەیە و هەروەسا رەوشەکا مرۆڤایەتی لڤێ پارێزگەهێ هەیە کو هژمارەکا زۆرا ئاوارەوپەنابەران لێ دژین.
پارێزگارێ دهۆکێ راگەهاند: مە رێزوڤیان و سۆپاسی بۆ گەل و حکۆمەتا ئۆسترالیا هەنە کو ددەلیڤێن بەرتەنگ و رەوشێن دژوارا دا هاریکاریا گەلێ کورد و هەرێما کوردستانێ کریە و دشەرێ روی بروی بوونا تیرۆرێدا هەڤپەیمانێن مەبووینە و هەلۆیستێن وان و ئەو پرۆژێن ئەنجامداین جهێ رێزێ نە. 
هەروەسا تەوەرێن دەڤەرێن سنۆری و چاندن و گەشتوگۆزار و بابەتێن سەقامگیریی و  سەروەری و تەناهیا دەڤەرێ هاتە گۆتوبێژکرن.