بەڕێوەبەری گشتی وەبەرھێنانی ھەولێر ئاشکرای کرد، لە ھەولێر نۆهه‌د پڕۆژە نیشتەجێبوون مۆڵەتی دروستکردنیان پێ دراوە، کە خۆی لە سه‌د و بیست ھەزار یەکەی نیشتەجێبووندا دەبینێتەوە، بەڵام ئەمجارە بە جۆرێکە پێویستە ئەو زەوییەی پێیان دەدرێت، له سه‌دا سی و پێنجی نرخەکەی بۆ حکوومەت بێت و نرخی یەکەکانیش ھەمەجۆرە، کە ھەیە بە سی هەزار دۆلار و قیستەکانیش ھەتا ھەشت ساڵیش دەخایەنێت.
سامان عارەب، بەڕێوەبەری گشتی وەبەرھێنانی ھەولێر رایگه‌یاند: ئەو وەبەرھێنەرانەی دەیانەوێت پڕۆژەکانیان بکەنە نیشتەجێبوون، پێویستە له سه‌دا سی و پێنجی نرخی ئەو زەوییەی بۆ پڕۆژە وەریدەگرێت، بیداتە حکوومەت، ئەمەش بەپێی بڕیاری پێنجسه‌د هه‌شتا و حه‌وت کە دەرکراوە، بۆ ئەوەی حکوومەتیش سوودمەند بێت و پێویستە ئەو پارەیەش لە نرخی راستەقینەی زەوییەکە بدات، بۆ ئەوەی حکوومەتیش پشکی لێ ھەبێت.
بەڕێوەبەری وەبەرھێنانی ھەولێر ڕوونیشی کردەوە، ئەو پارەیەی ھاووڵاتی بۆ کڕینی یەکەکانی نیشتەجێبوون دەیدات، نادرێتە وەبەرھێنەر و دەخرێتە ژمارە حیسابێکی تایبەت بە سەر پەرشتی ئێمە و پێویستە لە پڕۆژەکەدا خەرج بکرێت و نابێت وەبەرھێنەر پارەکە بباتە دەرەوە، بۆ ئەم مەبەستەش خیتاب زەمانیش دەداتە ئێمە، بۆیە پارەکە لە دەستێکی ئەمیندا دەبێت، چونکە مۆڵەت بە نۆهه‌د پڕۆژە دراوە، کە خۆی لە سه‌د و بیست ھەزار یەکەی نیشتەجێبووندا دەبینێتەوە و بەشێکی لە قۆناغی دروستکردندان و بەشێکیشیان لە ئێستادا دەست پێدەکەن.
باسی لەوەش کرد، نرخەکانیش یەکەکانی بە مەتر چوارگۆشەیە، کە پڕۆژە ھەیە مەتری لە سێسه‌د دۆلارەوە دەست پێدەکات.
کۆمێنت (0)
تا ئێستا هیچ کۆمێنتێک نەکراوە.