سەنتەری میدیای وه‌زاره‌تی پێشمه‌رگه له ڕاگه‌ێندراوێكدا ڕایگه‌یاند: ئەمرۆ ۲٤/٦/٢٠٢١ بەئامادەبوونی عەمیدی ئەندازیار نەبەز سەڵاح بەرێوەبەری چاکسازی لەوەزارەتی پێشمەرگەو موقەدەم( یۆرگ باکهاوس)راوێژکاری هێزەکانی ئەڵمانیا، رێورەسمی گەیاندنی هاوکاری وڵاتی ئەڵمانیا بە بەرێوەبەرایەتی چاکسازی و سەنتەری زمانی سەر بە وەزارەتی پێشمەرگە بەرێوەچوو.
ڕاشیگه‌یاند: هاوکارییەکە لە پێناو پاڵپشتی کردنی ژمارەیەک خولی تایبەتە بۆ بەرزکردنەوەی ئاستی لێهاتوویی ئەفسەرو پلەدارانی وەزارەتی پێشمەرگە، وەک بەشێک لە پێداویستیەکانی پلانێکی دیاریکراو، کە بە هاوبەشی لە نێوان بەرێوەبەرایەتی چاکسازی و هێزەکانی ئەڵمانیا لەهەرێمی کوردستان رێکخراوە.
هه‌روه‌ها ڕاشیگه‌یاندووه: هەرلەو رێورەسمەدا، عەمیدی ئەندازیار نەبەز سەلاح سوپاسنامەیەک و دیارییەکی سیمبولی پێشکەش بە موقەدەم (یۆرگ باکهاوس) کرد، بۆنەی تەواو بوونی ئەرکەکانی بەرێزیان لە هەرێمی کوردستان، لەهەمان کات سوپاسی وڵاتەکەی کرد لە بەڕامبەر ئەو هاوکاری و پشتگیریە بەردەوامانەی پێشکەشی بە وەزارەتی پێشمەرگەی دەکەن.
کۆمێنت (0)
تا ئێستا هیچ کۆمێنتێک نەکراوە.