قه‌ڵادزی : چه‌کدارانی په‌که‌که‌ هاووڵاتییه‌ک بریندار ده‌که‌ن

له‌قه‌ڵادزێ له‌نێوان هه‌ردوو گوندی شێنێ و زه‌ڵێ ،هاووڵاتییه‌ك به‌ناوی (عه‌بدولڵا حه‌مه‌د سمایل)  له‌لایه‌ن چه‌كدارانی په‌كه‌كه‌وه‌ ده‌وه‌ستێندرێت و داوای سه‌رانه‌ی لێده‌كرێت،به‌ڵام هاووڵاتییه‌كه‌ ئاماده‌ نه‌بووه‌ سه‌رانه‌ بدات و له‌ئاكامدا چه‌كدارانی په‌كه‌كه‌ ته‌قه‌ی لێ ده‌كه‌ن و برینداری ده‌كه‌ن.

دواتریش دوو برای برینداره‌كه‌ به‌به‌رد هێرش ده‌كه‌نه‌ سه‌ریان و چه‌كدارێكی په‌كه‌كه‌ بریندار ده‌كه‌ن.

جێگای ئاماژه‌پێدانه‌ ماوه‌یه‌كه‌ چه‌كدارانی په‌كه‌كه‌ تووشی قه‌یرانی كه‌می ئازووقه‌ بوونه‌ته‌وه‌ و رۆژانه‌ بۆ دابین كردنی خواردنی چه‌كداره‌كانیان، فشار ده‌خه‌نه‌  سه‌ر گوندنشینه‌كانی ئه‌و ناوچه‌یه‌ و سه‌رانه‌یان لێ وه‌رده‌گرن.