دوای 16 ساڵ له‌ یاریکردن رامۆس رۆیشتنی خۆی له‌ ریاڵ مه‌درید راگه‌یاند

دوزای16 ساڵ له‌یاریكردن له‌ریزی یانه‌ی شاهانه‌، ئه‌ستێره‌ی ئیسپانی یانه‌ی ریاڵ    مه‌درید سێرجیۆ رامۆس رۆیشتنی خۆی له‌ریزی یانه‌ی شاهانه‌ راگه‌یاند.
 یانه‌ی شاهانه‌ له‌به‌یاننامه‌یه‌كی فه‌رمیدا بلاویكردۆته‌وه‌ رامۆس ئه‌مرۆ به‌فه‌رمی رۆیشتنی خۆی له‌ریزی یانه‌كه‌ راده‌گه‌یه‌نێت.
 جێی ئاماژه‌یه‌ بۆندی رامۆس له‌گه‌ڵ یانه‌ی شاهانه‌ له‌ 30ی حوزه‌یرانی ئه‌مسال ته‌واو ده‌بێت، بۆیه‌ له‌ماوه‌ی داهاتوو هه‌ردوولا چه‌ندین دیدارو كۆبونه‌وه‌یان ئه‌نجامدا له‌پێناو نوێكردنه‌وه‌ی بۆندی رامۆسی ته‌مه‌ن سی و پێنج سالان، به‌ڵام دواجار گفتوگۆكان بێ به‌رهه‌م بوون و رامۆس رۆیشتنی خۆی یه‌كلاكرده‌وه‌، پێویسته‌ بوترێت رامۆس داوای نوێكردنه‌وه‌ی بۆنده‌كه‌ی بۆ ماوه‌ی دوو وه‌رز له‌كارگێری یانه‌كه‌ ده‌كرد.
 له‌به‌رامبه‌ردا یانه‌ی شاهانه‌ داوای یه‌ك وه‌رز و كه‌مكردنه‌وه‌ی ده‌ له‌سه‌دی مووچه‌كه‌ی ده‌كرد، ئه‌وه‌بوو هۆكاری نه‌گه‌یشتنه‌ رێكه‌وتنی هه‌ردوولا، رامۆس له‌ماوه‌ی شانزه‌ ساڵ یاریكردن له‌ریزی یانه‌ی شاهانه‌ رۆلێكی گرنگی بینیوه‌ له‌ بردنه‌وه‌ی چوار نازناوی چامپیۆنز لیگ و پێنج نازناوی خولی ئیسپانیا.