ئەڤرۆ سپێدێ رۆژا دووشەمبی رێکەفتی ٢٠٢١/٥/٢٤ ب سەرپەرشتیا “د.عەلی تەتەر” پارێزگارێ دهۆکێ ل دۆر رێکخستنا باج و دەرامەتی ل سنۆرێ پارێزگەها دهۆکێ دگەل رێڤەبەریێن پەیوەندیدار کۆمبوو. دکۆمبوونێدا پارێزگارێ دهۆکێ ل دۆر رێکخستنا باج و دەرامەتی کو ببیتە ئەگەرێ زێدەکرنا داهاتی ل هەرێما کوردستانێ پێدڤیە بزاڤا ئابۆری و پیشەسازی و گەشتۆگوزار و بازرگانی بهێتە خۆرتکرن و ئاسانکاری بو کێمکرنا رۆتینێ و ب رێڤەبرنا مامەلەیان ل دۆیڤ یاسا و رێنمایێن بەرکارێن هەرێمێ بهێتەکرن، زێدەگاڤی بهێنە راکرن، ئەو جهێن داخوازا دەستیریا دکەن دەستیریی پێبهێنەدان ل دویڤ یاسایێ. پارێزگارێ دهۆکێ دۆپاتکر: نابیت گیرۆکرنا ب رێڤەبرنا مامەلەیان ببیتە ئەگەر کو خۆدانکار و وەبەرهێنەرێن مە سەرمایێ خۆ ل دەرڤە بکاربینن. هەروەسا پارێزگارێ دهۆکێ راگەهاند: لادان ژ یاسایێ مافێ کەسێ نینە لێ چوارچووڤێ یاسایێدا پێدڤیە ئاسانکاری بهێنەکرن و ب کێمترین رۆتین خزمەتا خەلکی بهێتەکرن و رێکخستنا باج و دەرامەتی ل سنۆرێ پارێزگەها دهۆکێ بهێتەکرن.
پاشان پارێزگارێ دهۆکێ ب تێروتەسەلی گۆهداریا رێڤەبەریێن پەیوەندیدار کر تێبینی و پێشنیارێن وان هاتنە وەرگرتن و دێ کار لسەر هێتەکرن.
پارێزگارێ دهۆکێ ل دۆر رێکخستنا باج و دەرامەتی ل پارێزگەها دهۆکێ دگەل رێڤەبەریێن پەیوەندیدار کۆمبوو
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.