ناسر ھەرکی، بڕیاردەری لیژنەی ئاسایش و بەرگریی لە ئەنجوومەنی نوێنەرانی عێراق رایگەیاند کە رێککەوتنی ئەمنی نێوان بەغدا و ھەولێر لە چاوەڕوانی جێبەجێکردن دایە.
ناسر ھەرکی لە لێدوانێکی رۆژنامەوانییدا ئەوەی وەبیرھێناوەتەوە کە تا ئێستا بەغدا و ھەولێر، چەندین کۆبوونەوەیان سەبارەت بە پێکھێنانی خاڵی سەربازیی ھاوبەش لە ناوچە کێشە لەسەرەکان، ئەنجامداوە بۆ ئەوەی بۆشایی ئەمنی لەو ناوچانە چارەسەر بکرێت و گوتی:"ھەر چەند رۆژێک لەمەوبەر، کۆبوونەوەیەک کرابوو کە تیایدا رێککەوتنکراوە لەسەر شوێنی دیاریکردنی خاڵە سەربازییە ھاوبەشەکان".
گوتیشی: "رێککەوتنە چاوەڕوانی ئەوەیە لەلایەن حکوومەتی ناوەندەوە جێبەجێ بکرێت، دەبێـت جێبەجێکردنی رێککەوتنەکە ببێتە مایەی ئەوەی لەوە زیاتر ھاووڵاتیی، پێشمەرگە، سەرباز، پۆلیس و چەکداری حەشدی شەعبی نەبنە قوربانی".
پێشتر مستەفا کازمی، سەرۆکوەزیرانی عێراق، داوای کردبوو کە رێککەوتنی ئەمنی لەنێوان فەرماندەیی ئۆپەراسیۆنە ھاوبەشەکان و ھێزەکانی پێشمەرگە لە ناوچە کێشە لەسەرەکان جێبەجێ بکرێت.
کۆمێنت (0)
تا ئێستا هیچ کۆمێنتێک نەکراوە.