سەرۆکی فەرمانگەی تەندروستیی شاری ئەزنا لە پارێزگای لۆڕستانی كوردستانی ئێران رایگەیاند، دوای تووشبوونی دایکی بە کۆرۆنا، منداڵێکی سی و پێنج رۆژ بە ڤایرۆسی کۆرۆنا گیانی لەدەستدا.
لە پارێزگاکانی كوردستانی ئێران تووشبوونی منداڵی ساوا بە کۆرۆنا زیادیکردووە و رێژەیەکی بەرچاوی منداڵانیش لە نەخۆشخانەکانی كوردستانی ئێران بەهۆی تووشبوون بە کۆرۆنای گۆڕاو خەوێندراون و رۆژانەش چەند منداڵێکی ساوا گیان لەدەست دەدەن.
سومەییە پولادوەند، سەرۆکی فەرمانگەی تەندروستی شاری ئەزنا لە پارێزگای لۆڕستان رایگەیاند، منداڵێکی بیست و هه‌شت رۆژەی خەڵکی شاری ئەزنا دوای تووشبوونی دایکی بە کۆرۆنا، تێستی پی سی ئاری بۆ کراوە و لە ئەنجامی تێستەکەدا دەرکەوتووە منداڵەکە تووشی کۆرۆنا بووە.
دەشڵێت دوای ئەوەی تاوولەرز و هەڵامەت لە منداڵەکەدا بەدیکراوە، نزیکەی سێ رۆژ لە نەخۆشخانە خەوێندراوە و خراوەتە ژێر چاودێریی چڕی پزیشکی، بەڵام بەهۆی دابەزینی ئۆکسجین و نەبوونی کەلوپەلی پێویست بە دابینکردنی ئۆکسجین منداڵه‌كه گیانی له‌ده‌ستدا.
کۆمێنت (0)
تا ئێستا هیچ کۆمێنتێک نەکراوە.