له هه‌فته‌ی سی و یه‌كه‌می خولی ئینگلته‌را، یانه‌ی وێست برۆمیچ ئه‌لبیۆن به سێ گۆڵی بێ به‌رامبه‌ر له یانه‌ی ساوسهامپتۆنی میوانی برده‌وه.
یاریزانانی وێست برۆمیچ له هێرش و فشاره‌كانیان بۆ سه‌ر گۆڵی میوانه‌كه‌یان ده‌ستپێشخه‌ربوون و چه‌ندین هێرشیان كرده سه‌ر گۆڵی ساوسهامپتۆن، یه‌كێك له هێرشه‌كانیش لێدانێكی سزای لێكه‌وته‌وه‌و له جێبه‌جێ كردنی لێدانه‌كه‌دا، هێرشبه‌ری به‌ڕازیلی ماتیۆ پێرێرا گۆڵێكی بۆ تیپی میواندار له خوله‌كی سیی و دوو تۆماركرد.
دوای سێ خوله‌كی دیكه‌ش، ناوه‌ڕاستكاری سكۆتله‌ندی، ماتیۆ فیلیپس ده‌رفه‌تێكی قۆسته‌وه‌و گۆڵی دووه‌می وێست برۆمیچی به‌ده‌ستهێناو گێمی یه‌كه‌م به‌م ئه‌نجامه ته‌واوبوو.
له گێمی دووه‌م و له خوله‌كی شه‌ست ونۆدا، یاریزان كالوم ڕۆبینسۆن گۆڵی سێیه‌می تیپه‌كه‌ی تۆماركرد.
به‌م بردنه‌وه‌ش كۆی خاڵه‌كانی وێست برۆمیچ ئه‌لبیۆن له پله‌ی نۆزده‌می ڕیزبه‌ندی یانه‌كان بۆ بیستوچوار خاڵ به‌رزبووه‌وه‌و ساوسهامپتۆنیش به سی و شه‌ش خاڵ له پله‌ی چوارده‌می ڕیزبه‌ند مایه‌وه .
له‌پریمه‌رلیگ وێست برۆمیچ ئه‌لبیۆن سه‌رکه‌وتنی به‌سه‌ر ساوسهامپتۆن تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.