له گه‌ری سیوچواره‌مینی خولی باسكه‌ی یانه‌كانی ئه‌وروپا ، یانه‌ی ریال مه‌درید میوانداری یانه‌ی ئۆلۆمپیاكۆسی یۆنانی كردو یاریه‌كه‌شی لێ برده‌وه به‌ئه‌نجامی حه‌فتاو دوو خال به‌رامبه‌ر به شه‌ستو سێ خال .
یاریزانانی ریال مه‌درید هه‌ر له‌ماوه‌ی یه‌كه‌م ده‌ستیان به تۆمار كردنی خاله‌كان كردو به‌پێش میوانه‌كه‌یان كه‌وتنه‌وه ، ئه‌م پێشكه‌وتنه‌ش تاكۆتایی یاری به‌رده‌وامی هه‌بوو تا تیپه ئیسپانیه‌كه به جیاوازی نۆ خال برده‌وه‌و نۆزده‌هه‌مین سه‌ركه‌وتنی له‌م وه‌رزی خوله‌كه‌ی به‌ده‌ست هێنا له‌به‌رامبه‌ردا چوارده یاری دۆراندووه.
به‌م بردنه‌وه‌یه‌ش یانه‌ی ریال مه‌درید هیوای سه‌ركه‌وتنی بۆ قۆناغی داهاتووی یه‌كلایی كه‌ره‌وه زیندوو كرده‌وه دوای ئه‌وه‌ی سه‌ركه‌وت بۆ پله‌ی حه‌وته‌می ریزبه‌ندی گشتی خوله‌كه ،یاریزان گابریێل دیك رۆلێكی باشی له‌م بردنه‌وه‌یه بینی و به‌ته‌نها هه‌ژده خالی تۆمار كرد.
له‌باسکه‌ی ئه‌وروپا ریال مه‌درید سه‌رکه‌وتنی به‌سه‌ر ئۆلۆمپیاکۆسی یۆنانی تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.