له ده‌ست پێكی گه‌ری بیست و نۆیه‌مینی خولی یانه‌كانی ئیسپانیا یانه‌ی هۆیسكا له ده‌ره‌وه‌ی یاریگای خۆی سه‌ركه‌وتنی به‌سه‌ر یانه‌ی لیڤانتی تۆمار كردو به دوو گۆلی بێ به‌رامبه‌ر یاریه‌كه‌ی لێ برده‌وه .
یاریه‌كه له‌سه‌ر یاریگای سیوتات دی ڤالنسیا به‌رێوه چوو ، له گێمی یه‌كه‌م میوانه‌كان به گۆلێك پێشكه‌وتن گۆله‌كه‌ش یاریزانی ئیسپانی رافائیل میر ڤیسینی له خوله‌كی پازده تۆماری كرد .
له گێمی دوه‌میش ئاستی یاریه‌كه مام ناوه‌ند بوو جارێكی تر یاریزانانی هۆیسكا خۆیان گه‌یانده گۆلی لیڤانتی و هه‌مان یاریزان رافائیل میر گۆلی دووه‌می له خوله‌كی په‌نجاو چوار تۆمار كردو چواره‌م سه‌ركه‌وتنی له‌م وه‌رزه‌ی خوله‌كه به‌خشیه یانه‌كه‌ی و هۆیسكا به بیستو چوار خال له پله‌ی هه‌ژده‌هه‌مینی ریزبه‌ندی دێت ، یانه‌ی لیڤانتیش تووشی ده‌یه‌م دۆراندن هات و خاوه‌نی سیو پێنج خاله‌و له پله‌ی ده‌یه‌م دێت .
له‌لالیگادا هۆیسکا سه‌رکه‌وتنی به‌سه‌ر لیڤانتی تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.