مسته‌فا كازمی، سه‌رۆك وه‌زیرانی عێراق و فه‌رمانده‌ی گشتی هێزه چه‌كداره‌كان، فه‌رمانده ئه‌منییه باڵاكانی راسپاردووه لێكۆڵینه‌وه له‌كوژرانی 7 هاووڵاتییه‌كه‌ی پارێزگای سه‌ڵاحه‌دین بكه‌ن.
لیوا ته‌حسین خه‌فاجی،وته‌بێژبه‌ناوی ئۆپه‌راسیۆنه هاوبه‌شه‌كان له راگه‌یه‌نراوێكدا گوتی: بۆ لێكۆڵینه‌وه له رووداوێكی جه‌رگبڕ، عوسمان غانمی،وه‌زیری ناوخۆو فه‌ریق روكن عه‌بدولئه‌میر شه‌ممه‌ری،جێگری فه‌رمانده‌ی ئۆپه‌راسیۆنه هاوبه‌شه‌كان، به‌ره‌یانی ئه‌مڕۆ به یاوه‌ری شاندێكی ئه‌منی گه‌یشتوونه شاری تكریت له پارێزگای سه‌ڵاحه‌ددین .
شایانی باسه دوێنێ هه‌ینی سه‌رچاوه‌یه‌كی ئه‌منی رایگه‌یاند كه چه‌كدارانی داعش به‌جلی سه‌ربازی حه‌وت كه‌سی سه‌ربه‌خێزانێكان له ناوچه‌ی ئه‌لبودور له باشووری شاری تكریت كوشتووه كه یه‌كێك له قوربانییه‌كان ئافره‌ته.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.