ئەمرۆ 11/3/2021، لە دیوانی وەزارەتی پێشمەرگە فەریق جمال محمد، سەرۆکی هەیئەی ئەرکانی وەزارەتی پێشمەرگە لە دیوانی وەزارەت پێشوازی لە جەنه‌ڕاڵ ڕێدئاوت فەرماندەی دەستەی باڵای ڕاوێژکارانی هاوپەیمانان لە عیراق و سوریاو شاندێکی یاوەری کرد.
له‌و دیداره‌دا، هه‌ردوولا باسیان له گرنگیدانی زیاتر به په‌یوه‌ندی نێوان وه‌زاره‌تی پێشمه‌رگه و هاوپەیمانان کردەوە، جه‌ختیان له‌سه‌ر به‌رده‌وامیدان به شه‌ڕی دژ به تیرۆر و هه‌روها هاوكاریه‌كانی وڵاتانی هاوپەیمان كرده‌وه بۆ وه‌زاره‌تی پێشمه‌رگه. پەیوەندییەکانی نێوان هێزی پێشمەرگەی کوردستان و سوپای عیراق لە ناوچە کوردستانیەکان تەوەریکی تری دیدارەکە بوون.
له كۆتایی دیداره‌كه‌دا سەرۆکی ئەرکانی وەزارەتی پێشمەرگە سوپاسی وەفدی میوان و تیمی سه‌ربازیی هاوپەیمانانی له كوردستان كرد بۆ پاڵپشی و هه‌ماهه‌نگیه بەردەوامەکانیان له‌گه‌ڵ وه‌زاره‌تی پێشمه‌رگه‌ی حكومه‌تی هه‌رێمی كوردستان.
کۆمێنت (0)
تا ئێستا هیچ کۆمێنتێک نەکراوە.