وەزارەتی تەندروستیی و ژینگەی عێراق له ڕاگه‌ێندراوێكدا ئاماری 24 كاتژمێری ڕابردووی تووشبون به ڤایرۆسی كۆڕۆنای نوێی ڕاگه‌یاند.
بەپێی راگەیەنراوەکە لە 24 کاتژمێری رابردوودا لە كۆی 37 ھەزار و 361 پشکنین، چوار ھەزار و 610 کەس تووشی ڤایرۆسی کۆرۆنای نوێ بوون و 22 کەسیش بەھۆی ڤایرۆسەکەوە گیانیان لەدەستداوە و سێ ھەزار و 692 کەس لە ڤایرۆسەکە، چاکبوونەتەوە.
وەزارەتی تەندروستیی و ژینگەی عێراق ڕاشیگه‌یاندووه: کە کۆی گشتیی تووشبووان بە ڤایرۆسی کۆرۆنای نوێ لە عێراق، گەیشتووەتە 735 ھەزار و 626 کەس و لەو ژمارەیەش 13 ھەزار و 618 کەس گیانیان لەدەستداوە و 668 ھەزار و 153ی دیکەیش چاکبوونەتەوە.
کۆمێنت (0)
تا ئێستا هیچ کۆمێنتێک نەکراوە.