Erbil 34°C سێشەممە 09 ئاب 21:59

روانگەی سوری: ئێران ژمارەیەکی زۆری میلیشیای سووری لە نزیک عێراق کۆکردۆته‌وه‌

کوردستان TV
100%

روانەگەی سوری بۆ مافه‌كانی مرۆڤ ئەمڕۆ دووشەممه‌ لە راپۆرتێكیدا ئاشكرای كردووە، ئێران نۆ هەزار چەكداری سووری و شازده‌ هەزار چەكداری عەرەب و ئاسیایی لە رۆژهەڵاتی سووریا رێك خستووە و مۆڵگەیەكی بۆ دروستكردوون كه‌ رووبەرەكەی لە رووبەری ووڵاتی لوبنان گەورەترە.

ئه‌و سه‌رچاوه‌یه‌ روونیشی كرده‌وه‌، ئەو مۆڵگەیە بووەتە ناوچەیەكی ئێرانی و لە ناوچەی ئەلبووكەمالەوە لەسەر سنوورەكانی عێراقەوە دەست پێ دەكات تا ده‌گاته‌ تەبەنی و مەیادین و شاری دێرزوور و سنووری پارێزگای حمس، ژمارەی هێزەكانی ئێران و میلیشیاكانی لەو ناوچەیە دەگاتە بیست و چوار بۆ بیست و پێنج هەزار میلیشای چه‌كدار، لەوانە نۆ هەزاریان سوورین كە ئێران بە هۆی مه‌زهه‌بی و پارە به‌كرێگرتوون و پازده‌ بۆ شازده‌ هەزار چه‌كداری دیكه‌ش لە رەگەزی عەرەبی و ئاسیایین.

روانگەكە روونی كردەوە، ئەو هێزانە لە دەیان گرووپ و میلیشیا پێكهاتوون، لەوانە حزبوڵای عێراقی و لیوای زەینەبیوونی پاكستانی ئەبو فەزڵ عەباس و سوپای پاسدارانی ئێرانی و كەتیبەكانی سەید شوهەدا و لیوای چلو حه‌وت و پاسەوانی گوندەكان و لیوای فاتمیوونی ئەفغانستانی.

كوردستان TV

رۆژهه‌ڵاتی ناوه‌راست

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.