هێزە ئه‌منییه‌کانی ئێران لە نزیک شاری خۆی سەر بە پارێزگای ئورمیە ئۆتۆمبێلی کاسبکارێکی کوردیان دایه بەر دەستڕێژی گوللـە و شۆفێرەکەیان کوشت.
بەپێی راپۆرتی رێکخراوی مافی مرۆڤی هەنگاو، رۆژی دووشەممە هه‌شتی شوبات، هێزە ئه‌منییه‌کانی ئێران لە سێ رییانی سەڵماس بۆ خۆی، ئۆتۆمبێلی کاسبکارێکی کوردیان داوەتە بەر دەستڕێژی گوللە و شۆفێرەکەیان بە ناوی بێھزاد هاشمی کوشتووە.
به‌پێی زانیارییه‌كان بێهزاد هاشمی، تەمەن 37 ساڵ و خەڵکی سەڵماس بووە، ناوبراو خێزاندار و باوکی سێ منداڵ بووە و دەستبەجێ گیانی لەدەستداوە.
بە وتەی سەرچاوەیەکی ئاگادار، هێزە ئەمنییه‌کانی ئێران بە گومانی هەڵگرتنی کەلووپەلی قاچاخ تەقەیان لە ئۆتۆمبێلی ئه‌و کاسبکارە کردووە.
کۆمێنت (0)
تا ئێستا هیچ کۆمێنتێک نەکراوە.