بێگەرد تاڵەبانی وەزیری کشتوکاڵ و سەرچاوەکانی ئاو پرۆژەیەکی تایبەت بە دانانی(ستیکەرو بارکۆد و لۆگۆی وەزارەت لەسەر بەرهەمە خۆماڵیەکان) وەکو هەنگاوێکی تری گرنگ پارێزگاری لە بەرهەمی خۆماڵی(مرشیک و پارچەکانی) دەکات، لەڕێگەی بەفەرمی ناساندنی سەربڕ خانەکانی کوردستان لە وەزارەتی کشتوکاڵی عێراق.
ئەمڕۆ ڕێکەوتی 5/1/2021 بەسەرپەرشتی بێگەرد تاڵەبانی وەزیری کشتوکاڵ و سەرچاوەکانی ئاو، بە ئامادەبوونی بریکاری وەزارەت، بەڕێوەبەری گشتی دیوان، بەڕێوەبەری گشتی سامانی ئاژەڵ و ڤێتەرنەری، بەڕێوەبەری گشتی پلاناندن،
کۆبونەوەیەکی تایبەت لەگەڵ خاوەن پرۆژەی (سەربڕخانەکانی مریشک و پارچەکان) بەڕێوەچوو.
لەپێناو پاراستنی بەرهەمی ناوەخۆ و بەگەڕ خستنەوەی سەربڕخانەکان و بەرهەمەکانیان بۆ هەرێمی کوردستان و ناوەڕاست و خوارووی عێراق و جیاکردنەوەی لە بەرهەمی هاوردەکراوی بەشێوەیەکی نایاسایی.
کە وەزارەتی کشتوکاڵ و سەرچاوەکانی ئاو لەڕێگەی پرۆژەیەکی فراوان لەگەڵ کۆمپانیایەک کە ئامادەکاریی و ڕێکارە یاساییەکانی گرتۆتە بەر بۆ مەبەستی بەکرداری کردنی دانانی، ستیکەر وبارکۆد و لۆگویی تایبەتی لەسەر بەرهەمی خۆماڵی سەربڕخانەکان.
بۆ ئەوەی لەمەودوا هاونیشتیمانیان بتوانن بە کوالێتی زۆرباش و نرخی گونجاو بەرهەمی خۆماڵی گوشتی مریشک و پارچەکانی بەردەست بکەن.
هەر لەو سیستەمەدا هاوڵاتیان بە ڕێگەی سەیرکردنی سیستم و بارکۆدەکان هەر ڕەخنەیەکیان هەبێ لە بارەی کوالێتی و نرخەکان دەتوانن ڕاستەوخۆ بیگەێنە دیوانی وەزارەتی کشتوکاڵ و سەرچاوەکانی ئاو.
هەروەها بێگەرد تاڵەبانی وەزیری کشتوکاڵ و سەرچاوەکانی ئاو بەڵێنی دا کە بۆ چارەسەری کێشەکان و ناساندنی دانانی ئەو ستیکەرو بارکۆدانە لەسەر بەرهەمی (١٠) سەربڕخانەکانی کوردستان سەردانی بەغدا بکات و لەگەڵ وەزارەتی کشتوکاڵی عێراق کۆببێتەوە.
بۆ ئەوەی متمانە بەو بەرهەمانەبکرێت وەکو بەرهەمی ڕاستەقینەی هەرێمی کوردستان و ڕێگری نەکرێت لە چوونی ئەو بەرهەمە ناوەخۆییانە بۆ ناوەڕاست و خوارووی عێراق.
دواتر وەزیری کشتوکاڵ و سەرچاوەکانی ئاو جەختیکردەوە لەسەر هەنگاوەکانی قەدەغەکردنی هێنانی مریشک بۆ ناوەوەی هەرێمی کوردستان بە شێوازی نایاسیایی و گرتنەبەری ڕێکارەکانی سەرپێچی کردن.
لەکۆتایی کۆبوونەوەکە بڕیاردرا کە لەڕێگەی سەرۆکایەتی ئەنجومەنی وەزیرانەوە گشتاندن بکرێ بۆ سەرجەم وەزارەتە پەیوەندیدارەکان، کە پێویستە بەرهەمی سەربڕخانە تایبەتەکانی هەرێمی کوردستان بەکاربێنن.
کۆمێنت (0)
تا ئێستا هیچ کۆمێنتێک نەکراوە.