بە كۆتاییهاتنی ڕكابەریەكانی قۆناغی كۆمەڵەكانی خولی تۆپی پێی یانە پاڵەوانەكانی ئەوروپا، هەریەك لە یانەكانی بایرن میونشن و ئەتلەتیكۆ مەدریدو ڕیال مەدریدو بروسیا مونشنگلادباخ و مانچستەرسیتی و پۆرتۆ و لیڤەرپول و ئەتالانتاو چێڵسی و سیڤیلیەو بروسیا دۆرتمۆندو لاتسیۆ و یوڤێنتوس و بارسێلۆناو پاریس سانجێرمان و لایپزیگ گەیشتنە قۆناغی شازدە.
واش بڕیارە تیروپشكی ئەم قۆناغە دووشەممەی داهاتوو كاتژمێر دووی دوای نیوەڕۆ بە كاتی هەولێر لە شاری نیۆنی سویسرا ڕابكێشرێت، لە تیروپشكەكەدا نابێت دوو یانەی یەك گڕوپ و دوو یانەی یەك وڵات ڕووبەڕووی یەكتر بكرێنەوە.
یاریەكانی گەڕی چوونی قۆناغی شازدە لە شازدەو حەڤدەو بیستوسێ و بیستوچواری شوباتی ساڵی داهاتوو بەڕێوەدەچێت، یاریەكانی گەڕی هاتنیش لە نۆ و دەو شازدەو حەڤدەی ئاداری دووهەزاروبیستویەك سازدەكرێت، هەر لە قۆناغی كۆمەڵەكانی چامپیۆنس لیگ هەریەك لە یانەكانی ڕیدبوڵ سالزبۆرگ و شاختار دۆنێتسك و ئۆلۆمپیاكۆس و ئەیاكس ئەمستردام و كراسنۆدارو كلۆب بروج و دینامۆكیڤ و مانچستەریونایتد پلەی سێیەمی گڕوپەكانیان بەدەستهێناو گەیشتنە قۆناغی سیی و دووی یۆرۆپالیگ .
کۆمێنت (0)
تا ئێستا هیچ کۆمێنتێک نەکراوە.