وەزارەتی تەندروستی عێراق ئاماری 24 کاتژمێری رابردووی تایبه‌ت به كۆرۆنای بڵاوكرده‌وه رایگه‌یاند: 50 تووشبوو گیانیان لەدەستدا، 3198 كه‌سی دیكه تووشی ڤایرۆسه‌كه بوون، 1992 تووشبووش چاكبوونه‌وه.
ئه‌مڕۆ چوار شه‌ممه 2020/11/11 وه‌زاره‌تی ته‌ندروستی عێراق له به‌یاننامه‌یه‌كدا رایگه‌یاند: له‌ماوه‌ی 24 كاتژمێری رابردوودا 50 تووشبووی دیكه‌ی كۆرۆنا له‌سه‌رانسه‌ری وڵات گیانیان له‌ده‌ستداوه و 3198 تووشبووی دیكه‌ی كۆرۆنا تۆماركراون.
وه‌زاره‌ته‌كه روونیشیكردووه‌ته‌وه له‌ماوه‌ی شه‌ووڕۆژی رابردوودا 1992 تووشبووی دیكه كۆرۆنا له عێراق چاكبوونه‌ته‌وه، رێژه‌ی چاكبوونه‌وه گه‌یشتۆته (%85.9).
384 تووشبووی كۆرۆنا له عێراق له‌ژێر چاودێری چڕی پزیشكیدان.
وه‌زاره‌تی ته‌ندروستی عێراق ئاشكراشیكردووه كۆی گشتی مردووان به كۆرۆنا گه‌یشتووه‌ته 11482 كه‌س و كۆی گشتی تووشبووان له وڵات گه‌یشته 508508.
کۆمێنت (0)
تا ئێستا هیچ کۆمێنتێک نەکراوە.