وه‌زاره‌تی ته‌ندروستی عێراق ئامارێكی تایبه‌ت به ڤایرۆسی كۆرۆنای بڵاوكرده‌وه و رایگه‌یاند: له دوێنێه‌وه تا ئه‌مڕۆ 48 تووشبووی كۆرۆنا گیانیان له‌ده‌ستداوه.
ئه‌مرۆ دووشه‌ممه 2020/10/26 وەزارەتی تەندروستی و ژینگه‌ی عێراق ئاماری 24 كاتژمێری رابردووی تایبه‌ت به ڤایرۆسی كۆرۆنای بڵاوكرده‌وه رایگەیاند: 3691 كه‌سی دیكه تووشی کۆرۆنا بوون، 3244 تووشبوو بە تەواوەتی چاكبوونەتەوە و 48 تووشبووش گیانیان لەدەستداوە.
له راگه‌یه‌ندراوه‌كه‌ی وه‌زاره‌تی ته‌ندروستیدا هاتووه، تێکڕاى تووشبووان بە کۆرۆنا لە سه‌رتاسه‌ری عێراق گه‌یشته 449153 تووشبوو.
وه‌زاره‌تی ته‌ندروستی عێراق ده‌ڵێت: 384593 تووشبووش چاکبوونەته‌وه نه‌خۆشخانه‌كانیان جێهێشتووه، رێژه‌ی چاکبوونەوە واتا (%84.5)ى کۆى تووشبووان.
وه‌زاره‌تی ته‌ندروستی عێراق ده‌ڵێت: له ئێستادا 60134 تووشبوو له ژێر چاودێریدان و 400 تووشبووش له ژێرچاودێری چڕ چاره‌سه‌ریان بۆ ده‌كرێت.
له به‌یاننامه‌كه‌ی وه‌زاره‌تی ته‌ندروستیدا هاتووه، ژماره‌ی گیان له‌ده‌ستدان له سه‌رتاسه‌ری وڵات تا ئه‌مڕۆ شه‌ممه گه‌یشته 10671 كه‌س.
کۆمێنت (0)
تا ئێستا هیچ کۆمێنتێک نەکراوە.