به‌هۆی ته‌شه‌نه‌كردن و بڵاوبوونه‌وه‌ی ڤایرۆسی كۆرۆنا، له تارانی پایته‌ختی ئێران بریاردراوه قەدەغەی هاتووچۆ لەسەرانسەر شار راده‌گه‌یه‌ندرێت.
ئه‌مرۆ چوارشه‌ممه بەپێی دواین ئامار و داتاكانی تایبەت بە ژمارەی توشبووان و حاڵەتەكانی گیانلەدەستدان بەهۆی توشبوونیان ڤایرۆسی كۆرۆنا لە ئێران بەگشتی و لەشاری تاران بە تایبەت بەردەوام ڕوو لە هەڵكشانە.
لەو چوارچێوەیەشدا لێپرسراوانی تاران بڕیارانداوه لە رۆژی یەكشەممەی داهاتوو، كەرەنتینەی گشتی و قەدەغەی هاتووچۆ لەسەرانسەری تاران رابگەیەندرێت و داواش لە هاووڵاتیانی شارە كرا پابەندی رێنمایی ته‌ندروستیه‌كان و رێكارەكان ببن.
به‌پێی راپۆرته ته‌ندروستییه‌كانی ئێران، له هه‌ر چه‌ند خوله‌كێكدا، یه‌ك هاووڵاتی به‌هۆی ڤایرۆسی كۆرۆناوه گیان له ده‌ست ده‌دات.
کۆمێنت (0)
تا ئێستا هیچ کۆمێنتێک نەکراوە.