وه‌زاره‌تی ته‌ندروستی و ژینگه‌ی عێراق ئاماری 24 كاتژمێری رابردووی كۆرۆنای بڵاوكرده‌وه رایگه‌یاند: له دوێنێوه 64 كه‌سی دیكه به‌هۆی كۆرۆنا گیانیان له‌ده‌ستدا.
ئه‌مرۆ یه‌كشه‌ممه 2020/9/20 وەزارەتی تەندروستی عێراق له به‌یاننامه‌یه‌كدا بڵاوی كرده‌وه رایگه‌یاند: سێ هەزارو 438 حاڵەتی نوێی توشبوون بە ڤایرۆسی كۆرۆنا تۆماركراوە.
له به‌یاننامه‌كه‌ی وه‌زاره‌تی ته‌ندروستیدا هاتووه، چوار هەزارو 52 تووشبوو بە تەواوەتی چاكبوونەتەوەو نەخۆشخانەیان جێهێشتووە.
وه‌زاره‌تی ته‌ندروستی عێراق رایگه‌یاند: هه‌ر له‌و ماوه‌یه‌دا 64 كه‌س به‌هۆی ڤایرۆسی كۆرۆناوه گیانیانله‌ده‌ستداوه، كۆی گشتی گیانله‌ده‌ستدان گه‌یشتوه‌ته هه‌شت هه‌زار و 555 كه‌س.
ئامارەكە دەریخستووە لەئێستادا كۆی گشتیی تووشبووانی كۆرۆنا لە سەرانسەری عێراق بە هەرێمی كوردستانیشەوە، گه‌یشته 319 هەزار و 53 كەس.
كۆی گشتی چاكبووانیش بۆ 253 هه‌زار و 591 كه‌س به‌رزبووه‌ته‌وه كه ده‌كاته رێژه‌ی 79.5%ی كۆی تووشبووان.
کۆمێنت (0)
تا ئێستا هیچ کۆمێنتێک نەکراوە.