وەزارەتی تەندروستی عێراق ئاماری 24 كاتژمێری رابردووی تووشبووانی كۆرۆنای بڵاوكردەوەو رایگه‌یاند: ژمارەی چاكبووانی كۆرۆنا لە ژمارەی توشبووان زیاتر بووەو رێژەكەش بۆ سەرووی 79% بەرزبووەتەوە.
ئه‌مرۆ شه‌ممه 2020/9/19 وه‌زاره‌تی ته‌ندروستی و ژینگه‌ی عێراق رایگه‌یاند: له ماوه‌ی 24 كاتژمێری رابردوودا سێ هه‌زار و 907 تووشبووی نوێی په‌تای كۆرۆنا ده‌ستنیشانكراون، كۆی تووشبووانی كۆرۆنا له عێراق گه‌یشته 315 هه‌زار و 597 تووشبوو.
وه‌زاره‌تی ته‌ندروستی عێراق ئه‌وه‌شی خسته‌ڕوو، له‌م ماوه‌یه‌دا چوار هەزار و (232) تووشبووی ڤایرۆسی كۆرۆنا چاکبوونەتەوە.
ئاماژه به‌وه‌شكراوه، هه‌ر له‌و ماوه‌یه‌دا 83 تووشبووی كۆرۆناوه گیانیانله‌ده‌ستداوه، به‌وه‌ش كۆی گشتی گیانله‌ده‌ستدان گه‌یشته هه‌شت هه‌زار و 491 كه‌س.
کۆمێنت (0)
تا ئێستا هیچ کۆمێنتێک نەکراوە.