ئه‌مرۆ له‌ عێراق زیاتر له‌ چوار هه‌زار که‌س تووشی کۆرۆنا بوون

وەزارەتی تەندروستی عێراق رایگه‌یاند: 4293 تووشی ڤایرۆسی كۆرۆنا بوون و تا ئه‌مرۆ کۆى ژمارەى تووشبووان به‌م ڤایرۆسه‌ گەیشتە (172583) کەس.

ئه‌مرۆ شه‌ممه‌ 15ی ئابی 2020 وەزارەتی تەندروستی و ژینگەی عێراق ئاماری 24 کاتژمێری رابردووی ڤایرۆسی كۆرۆنای بڵاوكرده‌وه‌، له‌م ماوه‌یه‌دا 4293  كه‌سه‌ تووشی ڤایرۆسی كۆرۆنا بوون و 76  تووشبووه‌ش گیانی له‌ ده‌ستدا و  2571 تووشبووش چاكبوونه‌ته‌وه‌.

ئاماژه‌ به‌وه‌شكراوه‌، زۆرینەی تووشبووەكان لە بەغدا بوون، هەروەها  هەولێر 443 و لە سلێمانی 148 كەركوك 184 و دهۆك 67 حاڵەت تۆماركراوە.

له‌ به‌یاننامه‌كه‌ی وه‌زاره‌تی ته‌ندروستیدا هاتووه‌، ژمارەی ئەو کەسانەی بە ڤایرۆسەکە گیانیان لەدەستداوە گەیشتە 5785 تووشبوو.