له‌ عێراق ژمارەی گیانلەدەستدان بە کۆرۆنا چوار هەزاری تێپەڕاند

وەزارەتی تەندروستی عێراق رایگه‌یاند: 92 تووشبووی كۆرۆنا گیانی لەدەستداوە و ژمارەی گیان لەدەستدان بە ڤایرۆسەکە گەیشتە 4042 کەس.

وەزارەتی تەندروستی عێراق ئاماری 24 کاتژمێری ڕابردووی تووشبوون و چاکبوونەوە و مردنی بە کۆرۆنا ڕاگەیاند و بەپێی ئامارەکەی وەزارەتی تەندروستی 2706 کەسی دیكه‌ تووشی ڤایرۆسی كۆرۆنا بوون.

ئاماژه‌ به‌وه‌شكراوه‌ لە دوێنێ سێشەممەوە تا ئه‌مرۆ (2197) تووشبووی کۆرۆنا چاکبوونەتەوە و بریاردراوه‌ ڕه‌وانه‌ی ماڵه‌وه‌ بكرێنه‌وه‌، نەخۆشخانەکانیان جێهێشتووە.

وەزارەتی تەندروستی و ژینگەی عێراق ده‌ڵێت: له‌سه‌ره‌تای په‌یدابوونی ڤایرۆسی كۆرۆنا تا ئه‌مرۆ چوارشه‌ممه‌ کۆی ژمارەی تووشبووان بۆ 99865 حاڵەت بەرزبۆته‌وه‌.