فەرماندەی گشتی هێزەکانی سوریای دیموکرات، رایگه‌یاند، توركیا پابه‌ندی ئاگربه‌ست نەبووە و پێویستە ئەمریکا بە ئەرکی خۆی هەڵسێت و هێرشەکان رابگرێت.
فەرماندەی گشتی هێزەکانی سوریای دیموکرات (هەسەدە) رایگه‌یاند: سوپای تورکیا و گروپە چەکدارەکانی سەر بەو وڵاتە هەوڵدەدەن دەستبەسەر شاری (تەلتەمر)دا بگرن و پاکتاوی نەژادی ناوچەکە بکەن.
مەزڵوم کوبانێ، فەرماندەی گشتی هێزەکانی سوریای دیموکرات (هەسەدە) لە تویتێکدا لە لاپەڕەى خۆی نوسیویەتی: تاکو ئێستا سوپاى تورکیا و گروپە چەکدارەکانى سەر بەو وڵاتە پابەند نەبوون بە بڕیارى ئاگربەست و رێککەوتنیان لەگەڵ ئەمەریکا.
روونیشیکردووتەوە، تورکیا و جیهادییەکان دەستیان بە داگیرکردنی گونده مەسیحییەکان کردووە، کە زۆربەی دانیشتوانەکەی ئاشورین و هەوڵی وێرانکردنی دەدەن.
داواشی لە ئەمریکا کردووە بە ئه‌رکی خۆی هەڵسێت و نوسیویەتی، پێویستە لەسەر ئەمریکا پابەند بێت و بە ئەرکی خۆی هەڵبسێت.
کۆمێنت (0)
تا ئێستا هیچ کۆمێنتێک نەکراوە.