لە بارەگای مەکتەبی سیاسیی پارتی دیموکراتی کوودستان، فازل میرانی سکرتێری مەکتەبی سیاسیی پێشوازی لە بنەماڵەی خوالێخۆشبوو سەعید یەحیا خەتات نووسەر و رۆژنامەنووسی کوردپەروەر و ئەندامی دەزگای رۆشنبیری و راگەیاندن کرد.
لە دانیشتنەکەدا دوای بەخێرهێنانیان سکرتێری مەکتەبی سیاسیی، باسی لە کەسایەتی خوالێخۆشبوو سەعید یەحیا کرد و رۆڵی لە نووسین و کاری رۆژنامەگەری بەرز نرخاند و، ئاماژەی بەوەدا کە کار و چالاکییەکانی لە بواری رۆشنبیری دیار و بەرچاوە.
هەروەها فازیل میرانی بە سەرنجەوە گوێی لە قسە و ئاخاوتنەکانی بنەماڵەی بەڕێزیان گرت و لە نزیکەوە ئاگاداری رەوشی بنەماڵەکەیان بوو.
لای خۆیەوە خانەوادەی سەعید یەحیا خەتات، سوپاسی فازل میرانی سکرتێری مەکتەبی سیاسییان کرد بۆ ئەو پێشوازی و رێز لێنانە، دواتریش تابلۆیەکی کاری دەستی خوالێخۆشبوویان پێشکەشی سکرتێری مەکتەبی سیاسیی کرد.
کۆمێنت (0)
تا ئێستا هیچ کۆمێنتێک نەکراوە.