له‌راگه‌یاندراوێكدا كه‌وێنه‌یه‌ك ده‌ست مالپه‌ری كوردستان تیڤى كه‌وتووه ، قایمقامییه‌تی قه‌زای ناوه‌ندی سلێمانى ڕایده‌گه‌ێنێت ، بەمەبەستی راگرتنی ھاوسەنگی و زیاد نەبوونی نرخ، ھاوردەی بەروبوومی ئاژەڵی دیاری دەکرێت و جێگری بەرێوەبەری کشتوکاڵی سلێمانی-ش رایدەگەیەنێت بەمەرجەکانی ڤێتەنەری و تەندروستی بەرھەمەکان ھاوردە دەکرێت.
لە دیوانی قائیمقامیەت ئاوات محەمەد قائیمقامی سلێمانی لەگەڵ لیژنەی دیاری کردنی بەروبومی ئاژەڵی و پەلەوەری پارێزگای سلێمانیدا کۆبوویەوە، پاش ھەڵسەنگاندن بۆ ئاستی بەرھەمھێنانی بەروبومی ناوخۆیی بڕیاردرا پێداچونەوە بەبڕی ئەو بەروبوم و پێداویستیانەدا بکرێت کە ھاوردەی پارێزگای سلێمانی دەکرێت.
لە دوای کۆبونەوەکەش رزگار حمد خدر جێگری بەڕێوەبەری بەڕێوەبەرایەتی کشتوکاڵی سلێمانی ووتی: بەلەبەرچاووگرتنی ھاوسەنگی راگرتن لە نێوان بەرھەمی ناوخۆ و ھاوردەکراو، ھەروەھا بەرز نەبوونەوەی نرخی بەرھەمی پەلەوەر لەسەر ھاوڵاتیان، لیژنەکە بڕیاری لەسەر بڕی بەرھەمی ھاوردەکراو داوە بۆ مانگی کانونی دووەم .
رزگار حمد ووتیشی: بۆ مانگی یەک پیویستمان بە مریشکی ھاوردە نیە بەھۆی زیاد بونی بەرھەمی ناوخۆ لە کێڵگە پەلەوەریەکان, بڕی بەروبومە ھاوردەکراوەکان بریتی یە لە ٨٠٠ تۆن ماسی، ٥٠٠ تۆن گۆشتی سور و ٥١٠ تۆن ھێلکە، ھەروەھا رێگە بە ھاوردەکردنی ١٥٠٠٠ ھەزار سەر ئاژەڵی زیندوو بۆ سێ مانگی ئایندە دەدرێت بەمەرجەکانی ڤێتەنەری و تەندروستی.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.