سێو وەك خۆراكێكی گرنگ دەتواندرێت لە چوارەم مانگی دوای لەدایك بوونی و هەتا تەمەنی دەساڵی بدرێت به كۆرپه‌له ، كه وه‌كو خۆراكێكی گرنگ و پڕ بایەخ بۆی هەژمار دەكرێت .
سێو یەكێكە لە مێوە خۆشەویستەكان ، لە پێكهاتەكەشیدا چەندین سوودی بۆ جەستەی مرۆڤ هەیە ، لە پێناو گەشەیەكی تەندروست و ئاسایی، پێویستە بایەخ بە خواردنی سێو بدرێت لەلایەن منداڵانەوە .
چه‌ندین ڤیتامین له پێكهاته‌ی شێودا هه‌یه كه چەندین سوودیان بۆ جەستەی مرۆڤ هەیە ، سێو ڕێژەیەكی زۆری ئاو لە خۆ دەگرێت و كاربۆهیدراتی تێدایە، هەروەها شەكری ئاسایشی تێدایەو ئاسان هەرس دەبێت لەگەدە ، هه‌روه‌ها سێوك (95) گەرمۆكەی تێدایە، وە چەوری و كاربۆهیدرات و شەكرو پرۆتین لە خۆدەگرێت .
پێكهاته‌ی سێو دەوڵەمەندە بە ڤیتامین ئەی و ڤیتامین بی نۆو هەروەها ڕێژەیەكی زۆری ڤیتامین سی و لە پێكهاتەكەی، ڤیتامین كەی و كالیسیۆم و ئاسن و زەنگ و سۆدیۆم و پۆتاسیۆم و مەگنیسیۆم و فسفۆڕی تێدایە ، سێو منداڵان دەپارێزێت لە هەناسە تەنگی ڕەبۆو نەخۆشییەكانی سینگ و هەروەها دوریان دەخاتەوە لە شێرپەنجە .
سێو هاوكارێكی باشە بۆ سییەكان و هەناسەدان ئاسان دەكات و چەوری زیان بەخشی نێو خوێنی منداڵان كەمدەكاتەوە ، هه‌روه‌ها بۆ گەدە بەسوودە، هاوكات هەستی تێربوون دەبەخشێت و بەدورتان دەخات لە سكچوون، كرداری هەرسكردن چاڵاكدەكات و منداڵان دەپارێزێت لە توشبوون بە مایەسیری .
بۆ منداڵی ساوا دەبێت دایكەكە بە شێوەیەكی كەم و بە كەوچكی بچووك هەوڵبدات ئاوی سێوەكە بگرێت و پاشان بیداتە كۆرپەكەی ، پوك و ددان به‌هێزده‌كات و دەیانپارێزێت لە هەوكردن كە بەهۆی بەكتریاو هەوكردنەوە تووشی دەبێت .
کۆمێنت (0)
تا ئێستا هیچ کۆمێنتێک نەکراوە.