رێكخراوی نەتەوە یەكگرتووەكان نیگەرانی خۆی لە چارەنووسی نزیكەی حه‌وت هەزار كەس راگەیاند كە لەناو پارێزگای دێرەزوور لەلایەن چەكدارانی داعشەوە بە بارمتە گیراون .
میشێل باشلیە كۆمسیاری رێكخراوی نەتەوە یەكگرتووەكان بۆ مافەكانی مرۆڤ لە پرێس كۆنفرانسێكدا وتی: لە بارودۆخی پارێزگای دێرەزوور نیگەرانین، پێش چەند هەفتەیەك لە بارودۆخی ئیدلب نیگەرانبووین بەڵام ئەمڕۆ دەبینن كە هاووڵاتیانی سڤیل زیاتر وەك قەڵغانی مرۆیی بەكار دەهێنرێن .
هه‌روه‌ها گوتیشی: ئەو چەكدارانە بەردەوامن لە كوشتنی ئەو هاووڵاتیانەی كە گومانیان لێدەكەن پەیوەندیان بە هێزەكانی سوریای دیموكرات یان گروپەكانی ترەوە هەیە. شیاوی ئاماژه پێدانه باشلیە داواش لەسەرجەم گروپەكانی ئۆپۆزسیۆن و حكومەتی سوریا دەكات كە رێوشوێنی پێویست بۆ پاراستنی هاووڵاتیانی مەدەنی بگرنەبەر و سەرجەم هێزە چەكدارەكان لەناوچە مەدەنییەكان ببنە دەرەوە .
کۆمێنت (0)
تا ئێستا هیچ کۆمێنتێک نەکراوە.