ئه‌مڕۆ یه‌كی دیسه‌مبه‌ر ساڵڕۆژی جیهانیی ئایدزه و ده‌مانهه‌وێ به‌شێك له‌و تێگه‌یشتنه هه‌ڵانه راست بكه‌ینه‌وه كه تا ئێستا بوون به هۆی جیاكاریی سه‌باره‌ت به تووشبووان به‌م نه‌خۆشییه كه ئه‌م تێگه‌یشتنه هه‌ڵانه ته‌نیا ریشه‌یان له ترس له‌م نه‌خۆشییه هه‌یه و هیچ بنه‌مایه‌كی زانستییان نییه.
زۆربه‌ی خه‌ڵك پێیانوایه كه نزیكی جه‌سته‌یی له تووشبووانی ئایدز ئه‌وانیش ده‌خاته به‌ر هه‌ڕه‌شه‌ی تووشبوون به نه‌خۆشییه‌كه، به‌ڵام زانستی پزیشكیی ئه‌م بیرۆكه هه‌ڵانه ره‌تده‌كاته‌وه و ئه‌وه‌ش ئاشكرا ده‌كات كه به‌م شێوازانه‌ی خواره‌وه به هیچ شێوه‌یه‌ك ئه‌م نه‌خۆشییه ناگرنه‌وه:
_ هه‌ناسه كێشان له شوێنێكی هاوبه‌شدا
_ له‌باوه‌ش گرتن و ماچ كردن و ده‌ست خستنه ناو ده‌ست
_ به‌كارهێنانی كه‌لوپه‌لی خواردن و خواردنه‌وه‌ی هاوبه‌ش
_خواردنه‌وه‌ی ئاو له ئاوساردكه‌ره‌وه‌ی هاوبه‌ش
_ به‌كارهێنانی كه‌ره‌سته‌ی تایبه‌تیی (لفكه و سابون و شامپۆ و...) به‌شێوه‌ی هاوبه‌ش
_ به‌كارهێنانی كه‌لوپه‌لی هاوبه‌شی وه‌رزشیی له هۆڵه‌كانی وه‌رزش
_ به‌كارهێنانی یه‌ك ده‌ستشۆر و توالێتی هاوبه‌ش.
به‌ڵام ئه‌و خاڵانه‌ی كه مرۆڤه‌كان ده‌بێ نیگه‌رانی بن سه‌باره‌ت به تووشبوون به‌م نه‌خۆشییه بریتین له خوێنی (هه‌ردووك ره‌گه‌ز) و ته‌ڕایی ناو ئه‌ندامی زاوزێی ئافره‌ت و تۆوی پیاو و هه‌روه‌ها شیری دایك، كه ده‌بێ خۆ له‌مانه به‌دوور بگرین تا تووشی ئه‌م نه‌خۆشییه كوشنده‌یه نه‌بین.
مه‌سعود / كوردستان تی ڤی
سه‌رچاوه/ بی بی سی
کۆمێنت (0)
تا ئێستا هیچ کۆمێنتێک نەکراوە.