چه‌ندین سه‌رچاوه‌ی هه‌واڵیی باس له‌وه ده‌كه‌ن كه 22 كه‌س له‌و هاوڵاتییه ئێرانییانه‌ی دوای هێرشه چه‌كدارییه‌كه‌ی سه‌ر نمایشی سه‌ربازیی شاری ئه‌هواز له‌لایه‌ن حكومه‌تی ئێرانه‌وه ده‌ستگیركرابوون، له سێداره‌دراون و به بنه‌ماڵه‌كانیشیان وتراوه كه سه‌رخۆشییان بۆ دانه‌نێن و گفتوگۆ له‌گه‌ڵ هیچ ده‌زگایه‌كی راگه‌یاندنیش نه‌كه‌ن.
به‌گوێره‌ی سه‌رچاوه جۆراوجۆره‌كانی هه‌واڵ ئه‌م 22 كه‌سه رۆژی پێنجشه‌ممه‌ی رابردوو به‌بێ ئاگاداریی پێشوه‌خته به بنه‌ماڵه‌كانیان و به كۆمه‌ڵ له‌سێداره‌دراون.
له‌لایه‌ن خۆیه‌وه ماڵپه‌ڕی گروپی مافی مرۆڤی ئێرانیش له تویتێكدا له‌سێداره‌درانی ئه‌م 22 كه‌سه‌ی پشتڕاست كردووه‌ته‌وه.
چالاكانی مافی مرۆڤ وتوویانه وه‌زاره‌تی ئیتڵاعاتی ئێران به ته‌له‌فۆن په‌یوه‌ندیی به بنه‌ماڵه‌ی ژماره‌یه‌ك له ده‌ستگیركراوه‌كانه‌وه كردووه و هه‌واڵی له‌سێداره‌درانی رۆڵه‌كانیانی پێڕاگه‌یاندوون و داوای لێكردوون سه‌رخۆشییان بۆ دانه‌نێن و له‌مباره‌یه‌وه گفتوگۆ له‌گه‌ڵ هیچ ده‌زگایه‌كی راگه‌یاندن نه‌كه‌ن.
سه‌رچاوه / دی ده‌بڵیوو
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.