به‌ڤیدیۆ .. له‌لالیگادا ریال مه‌درید دووچاری شکستێکى دیکه‌ هات

شه‌وى ڕابردوو له‌میانى به‌ڕێوه‌چوونى یاریه‌كانى هه‌فته‌ى هه‌شته‌م له‌خولی تۆپى پێى یانه‌ پله‌ یه‌كه‌كانى ئیسپانیا  دیپۆرتیڤۆ ئالاڤێس له‌یاریگا و له‌به‌رده‌م هه‌وادارانى دا میوانداری ریال مه‌دریدی كرد 

تایمى یه‌كه‌می یاریه‌كه‌ به‌یه‌كسان بوون بۆ هه‌ردوو یانه‌ به‌بێ گۆل به‌كۆتا هات ، له‌تایمى دووه‌مدا وێڕای باش به‌دیار كه‌وتنى ریال مه‌درید له‌یاریه‌كه‌ به‌ڵام سه‌ركه‌وتوو نه‌بوو له‌تۆماری گۆل  

له‌كۆتا خوله‌كه‌كانى یاریه‌كه‌دا مانوێل گارسیا توانى گۆل بۆ ئالاڤێس تۆمار بكات و سێ خاڵی یاریه‌كه‌ به‌ده‌ست بهێنێت و ریال مه‌دریدی دووچاری شكست كرد 

یاری به‌ئه‌نجامی گۆلێكى بێ وه‌ڵام له‌به‌رژه‌وه‌ندی ئالاڤێس به‌كۆتاهات ، یانه‌كه‌ هاوشێوه‌یى ریال مه‌درید و بارسێلۆنا خاوه‌ن 14 خاڵه‌  له‌پله‌ى سێیه‌مى ریزبه‌ندی دایه‌ 

شوان عه‌زیز