مایك پۆمپیۆ وه‌زیری ده‌ره‌وه‌ی ویلایه‌ته یه‌كگرتووه‌كانی ئه‌مریكا به هۆشدارییه‌كی توند به‌رپرسانی كۆماری ئیسلامیی ئێرانی ئاگادار كرده‌وه كه ئه‌گه‌ر هه‌ر هێرشێك له‌لایه‌ن گروپ و میلیشیاكانی سه‌ر به‌م وڵاته له دژی ئه‌مریكا ئه‌نجام بدرێت، واشنتۆن راسته‌وخۆ له دژی ئێران هه‌ڵوێستی ده‌بێت.
مایك پۆمپیۆ رۆژی رابردوو به كه‌ناڵی سی ئێن ئێنی رایگه‌یاند: ئێمه پێشتر به كۆماری ئیسلامیمان وتبوو كه به‌كارهێنانی هێرشی به نوێنه‌رایه‌تیی له‌لایه‌ن گروپه‌كانی سه‌ر به ئه‌وان بۆسه‌ر به‌رژه‌وه‌ندییه‌كانی ئه‌مریكا رێگه ناگرێت له په‌رچه‌كردار بۆسه‌ر ئه‌و لایه‌نه‌ی كه هۆكار و هانده‌ری سه‌ره‌كیی ئه‌و هێرشه‌یه.
پۆمپیۆ وته‌كانی به‌مشێوه‌یه روون كرده‌وه: ئه‌وه‌ش به‌و مانایه دێت كه ئێمه رێگه ناده‌ین ئێران هێرشی به‌نوێنه‌رایه‌تیی بكاته سه‌ر ئێمه، چونكه به‌پرسیارێتیی ئه‌مجۆره هێرشانه ده‌كه‌وێته سه‌ر ئێران و ئێمه‌یش ئه‌وه به‌بێ وه‌ڵام ناهێڵینه‌وه.
سه‌رچاوه / رادیۆ فه‌ردا
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.