ئێران رایگه‌یاند، ئه‌مه‌ریكا پێشێلى رێككه‌وتننامه‌ى نێوده‌وڵه‌تى تایبه‌ت به دۆسیه‌ى به‌رنامه‌ى ناووكى ئێرانى كردووه.
له‌م باره‌وه محه‌ممه‌د جه‌واد زه‌ریف، وه‌زیرى ده‌ره‌وه‌ى ئێران، رایگه‌یاند، ئێمه رێككه‌وتنى كه‌سى و راسته‌وخۆ له‌گه‌ڵ ئه‌مه‌ریكا ناكه‌ین و رێككه‌وتنێكمان هه‌یه كه نێوده‌وڵه‌تییه و ئه‌نجوومه‌نى ئاسایش و نه‌ته‌وه‌یه‌كگرتووه‌كان پشتیوانیان كردووه.
پێشتر برایان هوك، نێرده‌ى ئه‌مه‌ریكا بۆ كاروبارى ئێران، رایگه‌یاند، ده‌مانه‌وێت دانووستان له‌گه‌ڵ ئێران بكه‌ین بۆ ئه‌وه‌ى ره‌فتارى بگۆڕێت و مووشه‌كه بالیستییه‌كانیشى بخرێنه چوارچێوه‌ى رێككه‌وتنێكى نوێ.
تێزانین ئه‌مه‌ریكا، له سه‌ره‌تاى مانگى ئایارى رابردوو، له‌و رێككه‌وتنه كشایه‌وه، كه وڵاتانى ئه‌ندامى هه‌میشه‌یى ئه‌نجوومه‌نى ئاسایشى نێوده‌وڵه‌تى و ئه‌ڵمانیا له‌گه‌ڵ كۆمارى ئیسلامى ئێران له ته‌مموزى 2015 واژوویان كردبوو.
کۆمێنت (0)
تا ئێستا هیچ کۆمێنتێک نەکراوە.