له ئاكامی هێرشێكی چه‌ند چه‌كدارێكی نه‌ناسراو سێ ئه‌ندامی هێزه ئه‌منییه‌كانی ئێران كوژران و كه‌سێكی دیكه‌ش برینداربوو.
به پێی هه‌واڵێكی ئاژانسی هه‌واڵی فارس-ی ئێرانی له هێرشێكی چه‌كداریدا دوو ئه‌ندامی هێزه ئه‌منییه‌كان گیانیان له‌ده‌ستداوه و كه‌سێكی دیكه‌ش به هۆی سه‌ختی برینه‌كه‌یه‌وه له نه‌خۆشخانه گیانی له ده‌ستداوه.
به پێی ئاژانسه ئێرانییه‌كه چه‌كداره‌كان به‌ئۆتۆمبێل به به‌رده‌می بنكه‌یه‌كی تۆكهور له شاری میناب تێپه‌ڕیون و ده‌سترێژی گولـله‌یان له بنكه‌كه كردووه‌و بۆته هۆی كوژرانی خه‌لیل مه‌حمودی، ملازمی سێیه‌م و ئه‌حمه‌د جزینی ، كۆمیسه‌ری دووه‌م.
ئاژانسه‌كه ده‌شڵێت: هه‌ر له هێرشه‌كه‌دا دوو سه‌ربازی دیكه برینداربوون و له‌كاتی ره‌وانه‌كردنیان بۆ نه‌خۆشخانه كه‌سێكیان گیانی له‌ده‌ستداوه.
شایانی باسه شاری میناب به‌دووری 90 كیلۆمه‌تر ده‌كه‌وێته رۆژئاوای به‌نده‌ر عه‌باس-ی سه‌ربه پارێزگای هورمزكان له باشووری ئێران.
ئاماده‌كردنی / رزگار
سه‌رچاوه / سپۆتنیك
کۆمێنت (0)
تا ئێستا هیچ کۆمێنتێک نەکراوە.