نێرده‌ی تایبه‌تی سكرتێری گشتی نه‌ته‌وه یه‌كگرتووه‌كان له لێدوانێكیدا، دڵگرانی خۆی به‌رامبه‌ر رووداوه‌كانی به‌سره نیشاندا و سه‌ره‌خۆشی له خێزانی ئه‌و خۆپیشانده‌رانه كرد كه له رووداوه‌كانی ئه‌و ماوه‌یه كوژراون و هه‌روه‌ها هیوای هه‌رچی زوو چاكبوونه‌وه‌ی بۆ برینداره‌كان خواست.
یان كوبیش نێرده‌ی تایبه‌تی سكرتێری گشتی نه‌ته‌وه یه‌كگرتووه‌كان له لێدوانه‌كه‌یدا جه‌ختی له‌سه‌ر ئارامبوونه‌وه‌ی به‌په‌له‌ی ره‌وشی به‌سره و پێكهێنانی حكوومه‌تێكی نوێ بۆ چاره‌سه‌ر كردنی كێشه‌كانی عێراق كرد.
داواشی له ده‌سه‌ڵاتداران كرد خۆیان به‌دوور بگرن ئه‌نجامدانی تووند و تیژی به‌رامبه‌ر خوپیشانده‌رانی نارازی و رێز له به‌ها مرۆییه‌كان بگرن و ئارامی و ئاسایش بۆ خه‌ڵكی به‌سره دابین بكه‌ن.
هه‌روه‌ها داوای كرد لێكۆڵینه‌وه له‌و كه‌سانه بكرێت كه تووندو تیژیان به‌رامبه‌ر خۆپیشانده‌ران ئه‌نجام داوه و داوای به پیل هاتنی حكوومه‌تی كرد بۆ جێبه‌جێ كردنی خواسته ره‌واكانی داواكارییه‌كانی خه‌ڵك له‌وانه‌ش ئاوه و كاره‌با.
له كۆتاییدا نێرده‌ی تایبه‌تی سكرتێری گشتی نه‌ته‌وه یه‌كگرتووه‌كان داوای له سه‌ركرده سیاسیه‌كانی عێراق و ئه‌ندامانی ئه‌نجوومه‌نی نوێنه‌ران كرد، هه‌نگاوه‌كانیان چڕ بكه‌نه‌وه بۆ پێكهێنانی حكوومه‌تێكی نیشتیمانی و چاكسازی و به‌ته‌نگ خواسته‌كانی هاووڵاتیانه‌وه بچن .
کۆمێنت (0)
تا ئێستا هیچ کۆمێنتێک نەکراوە.