خۆپیشانده‌رانی به‌سره ده‌ستیان به‌سه‌ر كێڵگه‌یه‌كی نه‌وتیدا گرت و سه‌رۆك وه‌زیرانی عێراقیش به نیازه فه‌رمانده‌ی ئۆپه‌راسیۆنه‌كانی به‌سره له‌شاره‌كه دوور بخاته‌وه.
رۆژنامه‌ی حه‌یاتی له‌نده‌نی ئه‌مڕۆ پێنج شه‌ممه له‌سه‌ر زاری سه‌رچاوه‌یه‌كی به‌رپرس بڵاویكردۆته‌وه، سه‌رله‌به‌یانی ئه‌مڕۆ خۆپیشانده‌رانی به‌سره ده‌ستیان به‌سه‌ر كێڵگه‌یه‌كی نه‌وتی له رۆژئاوای شارۆچكه‌ی قرنه‌دا گرتووه.
هه‌روه‌ها سه‌رچاوه‌كه راشیگه‌یاندووه، حه‌یده‌ر عه‌بادی، سه‌رۆك وه‌زیرانی عێراق به‌نیازه بۆ هێوركردنه‌وه‌ی دۆخی به‌سره چه‌ند هه‌نگاوێك بنێ، له‌وانه دوور خسته‌وه‌ی جه‌میل شه‌ممه‌ری، فه‌رمانده‌ی ئۆپه‌راسیۆنه‌كانی به‌سره كه به كوشتنی خۆپیشانده‌ران تۆمه‌تبار كراوه.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.