نوێكراوه‌ته‌وه...
له ئاكامی ته‌قینه‌وه‌یه‌كی خۆكوژی كه خاڵێكی پشكنینی له ده‌روازه‌ی شاری قائم سه‌ر به پارێزگای ئه‌نبار كرده ئامانج، ژماره‌ی قوربانییانی بۆ 30 كوژراوو بریندار به‌رزكرده‌وه.
له‌مباره‌یه‌وه نه‌قیب ئه‌حمه‌د دلێمی، ئه‌فسه‌ری پۆلیس رایگه‌یاندووه: خۆكوژێك له رێگه‌ی ئۆتۆمبێلێكی بۆمبڕێژكراوه‌وه خۆی به خاڵێكی پشكنینی هاوبه‌شی سوپا و حه‌شدی عه‌شائیری له ده‌روازه‌ی شاری قائم، ته‌قانده‌وه.
به پێی سه‌رچاوه ئه‌منییه‌كان له ئاكامی ته‌قینه‌وه‌كه‌دا، 30 كوژراوو برینداری لێكه‌وتۆته‌وه كه له نێوانیاندا سه‌ربازی سوپای عێراق و هێزه‌كانی حه‌شدی عه‌شائیری و هاووڵاتیانی سڤیلی تێدایه .
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.