نوێنه‌رێكی په‌رله‌مانی ئێران ده‌ڵێت عه‌لی لاریجانی سه‌رۆكی په‌رله‌مانی ئێران و ئه‌ندامی ئه‌نجومه‌نی باڵای ئاسایشی نه‌ته‌وه‌یی ئه‌م وڵاته، هه‌واڵی هه‌ڵگیرانی سزای له‌سه‌ر مه‌هدی كه‌ڕوبی و حوسێن موسه‌وی پشتڕاست نه‌كردووه‌ته‌وه.
له‌م ماوه‌ی دواییدا كوڕی مه‌هدی كه‌ڕوبی له‌سه‌ر زاری سه‌رچاوه‌یه‌كی باوه‌ڕپێكراوه‌وه وتبووی كه ئه‌ندامانی ئه‌نجومه‌نی باڵای ئاسایشی نه‌ته‌وه‌یی ئێران هه‌ڵگیرانی سزایان له‌سه‌ر ئه‌و كه‌سه په‌سه‌ند كردووه و چاوه‌ڕێی رای عه‌لی خامه‌نه‌ئی رێبه‌ری ئێرانن.
غوڵامڕه‌زا حه‌یده‌ری ئه‌ندامی فڕاكسیۆنی ئومێدی په‌رله‌مانی ئێران رۆژی رابردوو به ئاژانسی هه‌واڵی ئیلنای راگه‌یاند كه بۆ به‌داواداچوونی هه‌واڵی هه‌ڵگیرانی سزا له‌سه‌ر كه‌ڕوبی و موسه‌وی رۆیشتووه‌ته لای عه‌لی لاریجانی و ناوبراویش وه‌ك ئه‌ندامی ئه‌نجومه‌نی ئاسایشی نه‌ته‌وه‌یی ئێران ئه‌و هه‌واڵه‌ی پشتڕاست نه‌كردووه‌ته‌وه.
وه‌ك دیاره كوڕی مه‌هدی كه‌ڕوبی بۆ هه‌واڵی هه‌ڵگیرانی سزاكه له‌سه‌ر كه‌ڕوبی و موسه‌وی پشتی به لێدوانه‌كانی ئیسحاق جیهانگیریی جێگری یه‌كه‌می سه‌رۆك كۆماری ئێران به‌ستووه كه وتبووی له‌هه‌وڵداین بۆ درووستكردنی یه‌كگرتووییه‌كی پته‌و له نێوان سه‌ركرده و رێبه‌رانی ئێران له رۆژانی داهاتوودا.
سه‌رچاوه / دی ده‌بڵیوو
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.