به‌رپرسێكی حكومی شاری مه‌ریوان رایده‌گه‌ێنێت، له پێكدادانێكدا 11چه‌كداری سوپای پاسدارانی ئێران له‌سه‌ر سنووری عێراق كوژران و 8 چه‌كداری دیكه‌ش برینداربوون.
محه‌مه‌د شه‌فیعی، ده‌سه‌ڵاتداری شاری مه‌ریوان به ئاژانسی فارسی ئێرانی راگه‌یاندووه: له پێكدادانێكدا له‌گه‌ڵ كۆمه‌ڵه چه‌كدارێك له ناوچه‌ی مه‌ریوان له نزیك سنووری كوردستانی عێراق 11 چه‌كداری سوپای پاسدارانی ئێران كوژراون و 8 چه‌كداری دیكه‌ش برینداربوون.
ئاژانسی فارس روونیكردۆته‌وه كه كۆمه‌ڵه چه‌كدارێك له گوندێكی نزیك شاری مه‌ریوان هێرشیان كردۆته سه‌ر باره‌گایه‌كی ناوچه‌كه و كوژران و برینداربوونی 19 چه‌كداری سوپای پاسدارانی ئێرانی لێكه‌وتۆته‌وه.
ئاماده‌كردنی: رزگار
سه‌رچاوه/سۆمه‌رییه نیوز
کۆمێنت (0)
تا ئێستا هیچ کۆمێنتێک نەکراوە.