یه‌كه‌مین دانیشتنی ساڵی یەکەمی یاسادانانی 27ه‌مین خولی ئه‌نجوومه‌نی گشتیی په‌رله‌مانی توركیا ده‌ستیپێكرد.
پاشنیوەڕۆی ئەمڕۆ رێوڕه‌سمی سوێندخواردنی یاسایی بۆ په‌رله‌مانتاره تازه هه‌ڵبژێردراوه‌كانی 27ـه‌مین خولی په‌رله‌مانی توركیا به‌رێوه‌چوو.
رێوڕه‌سمه‌كه له‌لایه‌ن دوڕموش یڵماز په‌رله‌مانتاری فراكسیۆنی ئیی پارتی وه‌ك به‌ته‌مه‌نترین په‌رله‌مانتار كه ته‌مه‌نی 71 ساڵه، به‌ڕێوه‌ده‌چێت. پێشتر بڕیاربوو ده‌نیز بایكاڵ په‌رله‌مانتاری جه‌هه‌په-ی ته‌مه‌ن 79 ساڵ دانیشتنەکە به‌ڕێوه ببات، به‌ڵام به‌هۆی تێكچوونی باری ته‌ندروستییه‌وه نه‌یتوانی ئه‌و ئه‌ركه لەئەستۆ بگرێت.
سه‌ركۆماری توركیا ره‌جه‌ب ته‌یب ئه‌ردۆغان به‌یاوه‌ریی سه‌رۆكی پێشووی په‌رله‌مان، ئیسماعیل قاره‌مان و په‌رله‌مانتاری ئاك پارتی، حه‌قی كۆیلو هاته نێو هۆڵی كۆبوونه‌وه‌ی په‌رله‌مان و له‌شوێنی خۆی دانیشت.
دواتر مارشی نه‌ته‌وه‌یی توركیا خوێنرا و گوڵه مێخه‌كی سوور و لۆگۆی په‌رله‌مان له‌به‌رده‌م په‌رله‌مانتاراندا دانرا.
کۆمێنت (0)
تا ئێستا هیچ کۆمێنتێک نەکراوە.